पाथर्डी तालुक्यातील देवराई येथील बालाजी देवस्थान ट्रस्टयांच्या वतीने आजी-माजी शिक्षकांचा कृतज्ञता सोहळा रविवारी मोठ्या उत्साहात आणि स्नेहपूर्ण वातावरणात संपन्न झाला.
प्रतिनिधी_सचिन दिनकर
शिक्षण क्षेत्रातील योगदानाला मानाचा मुजरा करण्यासाठी आयोजित या कार्यक्रमास देवराई व आसपासच्या भागातील शिक्षक-शिक्षिका, तसेच ग्रामस्थ मोठ्या संख्येने उपस्थित होते. कार्यक्रमाची सुरुवात अविनाश पालवे यांच्या प्रास्ताविकाने झाली. त्यांनी शिक्षकांचे समाजातील योगदान आणि त्यांच्या अथक परिश्रमांचा गौरव करत शिक्षण क्षेत्राला प्रेरणा मिळावी, असा मनोगत व्यक्त केला. कार्यक्रमाचे अध्यक्षस्थान डॉ. जगदीश पालवे, गटविकास अधिकारी, पंचायत समिती पाथर्डी यांनी भूषवले. त्यांनी शिक्षण हीच समाजाची खरी ताकद असल्याचे सांगत शिक्षकांचे कार्य कौतुकास्पद असल्याचे नमूद केले. यावेळी प्रमुख पाहुणे म्हणून शिवाजी कराड, गटशिक्षणाधिकारी, पाथर्डी आणि शिक्षणप्रेमी व समाजसेवक कुशल दादा भापसे उपस्थित होते. त्यांनी शिक्षणाच्या क्षेत्रातील नव्या उपक्रमांना प्रोत्साहन देण्याची गरज अधोरेखित करत शिक्षकांप्रती आदर व्यक्त केला. या कार्यक्रमास जेष्ठ शिक्षकांसह महिला भगिनी मोठ्या प्रमाणावर उपस्थित राहिल्या. त्यांच्या सहभागामुळे कार्यक्रम अधिक उत्साही आणि प्रेरणादायी ठरला. शिक्षणाच्या कार्यात असलेले समर्पण, सहकार्य आणि परस्पर आदर यांचे सुंदर चित्र कार्यक्रमात उमटले. सोहळा यशस्वीरित्या पार पाडण्या साठी सचिन पालवे,विष्णू पालवे,गोरक्ष पालवे,निलेश घोगरे आणि अन्य मान्यवरांनी अथक परिश्रम घेतले. त्यांच्या नियोजनामुळे कार्यक्रम सुरळीत पार पडला. शेवटी, बालाजी देवस्थान देवराईचे अध्यक्ष शगोरक्ष पालवे यांनी उपस्थितांचे आभार मानले. त्यांनी शिक्षण क्षेत्रातील योगदानाची नोंद घेत प्रत्येक शिक्षकाचा गौरव करत हा सोहळा स्मरणीय ठरल्याचे सांगितले. हा सोहळा केवळ एका कार्यक्रमापुरता मर्यादित न राहता, शिक्षण क्षेत्रातील सेवाभाव, समाजाशी असलेले नाते आणि शिक्षकांप्रती असलेला आदर यांचा उत्सव ठरला. उपस्थितांनी कार्यक्रमाचे मनापासून कौतुक केले आणि भविष्यात अशा उपक्रमांद्वारे शिक्षणाला बळ मिळो, अशी आशा व्यक्त केली.
